Нашата канцеларија нуди правна поддршка при сите видови трансакции и постапки поврзани со недвижности и градежни проекти. Работиме со физички и правни лица, инвеститори и компании, обезбедувајќи законитост и сигурност при секоја деловна активност.
Имотно и градежно право
Имотните и градежните прашања бараат прецизност, правно знаење и внимание кон секој детал. Во „Брешковски Адвокати“ обезбедуваме целосни правни услуги – од купопродажба и поделба на имот до заедничко инвестирање и упис на објекти во катастар.
Договори и имотни односи
Советуваме и составуваме договори за купопродажба, дарување, размена и уредување на имотни односи. Помагаме при формирање градежни парцели, физичка делба, приватизација и денационализација.
Градежни и инвестициони договори
Подготвуваме договори за соинвеститорство, заедничка градба, проектирање и надзор, при што обезбедуваме правна сигурност за сите страни во проектот.
Дозволи и административни постапки
Обезбедуваме правна помош при добивање дозволи за градба, одобренија за употреба и други управни акти поврзани со градежни процеси.
Катастар и упис на недвижности
Ги застапуваме клиентите при упис на градежни објекти во Катастарот на недвижности и при промени во сопственичката структура или намената на објектот.
Меѓународни договори и инвеститори
Вршиме анализа и составување на обемни договори со странски инвеститори, усогласени со домашното и меѓународното право.
Нашата цел е да овозможиме сигурен, транспарентен и успешен тек на секој имотен и градежен проект.
Доколку планирате купопродажба на имот, изградба или инвестиција, обратете се кај нас.
Ќе добиете професионална поддршка и целосна правна заштита.